黃妍演唱會以「恐懼」作主題背後有原因：以為自己會死

黃妍（Cath)相隔兩年，將於3月11至12日在旺角麥花臣舉行演唱會《Blooming Underwater Live 2023》，是次音樂會以「恐懼」作主題，令不少粉絲大為期待。

今日（6/3）Cath現身觀塘音樂室為演唱會進行歌曲綵排練習，在受訪時解釋演唱會「恐懼」主題背後真正原因：「其實係關於我細過嘅時候被水浸親有關。當年我仲讀緊小一嘅時候，我同我表姐一齊去泳池游水，走咗去大人池度玩，點知同表姐落度池之後，腳掂唔到地，我同佢就互相拉扯，之後雙雙被水浸過咗頭，兩人不斷掙扎呼救，驚動到救生員來救走咗我哋兩個。嗰陣時我真係好驚，以為自己會死，不過好在冇咩事，但就俾阿媽鬧到飛起。自此之後我就好怕水，咁所以到依家我仲未學識游水。」