《21安士音樂會》太多人同台靠禮讓　6號：想唱就會主動舉手

樂隊Rubber Band將於5月3日孖住許志安以及其他Band友Supper Moment、Dear Jane、觸執毛舉行《21安士音樂會》，今次開騷由「17安士」變做「21安士」，聲勢更加浩蕩，所以今次演唱會將會OT，比上次演唱會加時一個鐘，大家要抖足精神到時入場一齊「rock and roll」！

今次四隊樂隊加上安仔，總共五個音樂單位，各個樂手會不會「撞位」呢？6號解釋道：「梗係唔會，夾Band其實唔係用好多樂器，唔係自己嘅時候就坐喺隔離欣賞，大家唔會爭，想唱嗰首歌就會主動舉手。」但綵排時這麼多樂器一起演奏，差點聽不到是哪個樂器的聲音，阿偉說：「戴Ear-mon會冇咁嘈，聽得清晰好多，其實都係睇吓咩場合，未必下下都會戴，以前夾Band嗰陣就冇帶，依家個Ear-mon係sponsor，都唔係咩特別野，好多發燒友都有用。」Rubber Band忙著籌備下兩個月的演唱會，還有音樂節的事，他們希望今年有時間plug新歌給歌迷聽聽，但大碟的事可能就要等下年了。