馮允謙個唱未開售先加場 越洋向父母報喜︰好Crazy！
撰文：許育民
出版：更新：
歌手馮允謙（Jay Fung）將於今年三月首踏紅館，舉行《AXA安盛呈獻 JAYPOP LIVE@COLISEUM 馮允謙演唱會 2023》 ，由於反應熱烈，未開售已宣布加開一場，即3月25至27日，門票將於1月12日早上10時起，信用卡優先訂票。下星期一（1月16日）公開發售。
Jay在工作中突然接到公司通知加場，開心到大叫驚喜：「好開心，剛剛收到公司嘅好消息，我原定3月25和26日喺紅館舉行嘅演唱會加場呀，係呀，好Crazy！我完全無估到，特別開心、特別興奮，因為仲未公開發售，但反應好好，所以加開27號一場，我依家好興奮又好緊張呀！」
Jay表示最想第一個通知父母，他說：「好想而家即刻話畀媽咪和Daddy知道，不過呢個時間佢哋喺加拿大應該瞓咗，一陣我會通知佢哋，要佢哋到時要留喺香港陪我耐啲！」對於演唱會籌備進度，Jay透露歌單已定了八成，主要都是他的創作作品，還有一些過去音樂會沒有表演過的滄海遺珠。