環球新人余宗遙新城頒獎禮唱《狂人日記》走音 拍片再挑機成功

早前《新城勁爆頒獎禮2022》上，一眾樂壇新人在表演環節中翻唱別人的歌，環球唱片新人DEZ余宗遙翻唱Jer柳應延的《狂人日記》，可惜表現失準被網民指「走音狂人」。雖然DEZ一向以「尷尬新人」自居，但面對原唱者在台下看著自己失準，難免耿耿於懷，他在IG出post，自彈自唱多次《狂人日記》，希望大家給他一次機會。

DEZ寫道：「大家好，我係尷尬新人DEZ，上星期有件堅尷尬嘅事，一路鬱喺心入面。我喺新城頒獎禮上面因為緊張，唱《狂人日記》嗰陣失準，第一粒音就撻Q，仲要原唱Jer喺台下，心諗：死火喇，真係想搵窿捐。網上嘅comment話我係「走音狂人」，失準就要認。呢幾日痛定思痛，想唱多次俾大家聽，希望大家笑納」

DEZ作為新人在台上表現緊張失手可以說是必經階段，雖然唱《狂人日記》失準，但當晚他唱自己歌《平行線上》表現淡定；再之前《TONE Music未來音樂祭》上首次面對8000人表演都能壓台，相信再吸收多點舞台經驗就可以。