75歲林子祥12月為巡迴舉行最終站 預告一直唱落去：我仲唱到！
撰文：關穎賢
出版：更新：
現年75歲林子祥原定於3月在亞博舉行《林子祥開心演唱會香港站》，因疫情而延期至12月26日開騷。接受《香港01》訪問時，阿Lam透露今次是巡迴演唱會最後一站，所以會為香港站特別支持調動及編排。問到太太葉倩文會否擔任嘉賓，阿Lam笑言：「如果佢肯唱嘅話，梗係會唱！」
阿Lam表示今次演唱會只係巡迴的最後一站，並不是最後一個演唱會：「我講過好多次我嗰啲畸形歌，如果有日唱唔到我個key，或者唔夠氣力先再講，不過我依家仲唱到！」提到現時聽好多年輕歌手唱歌，個個都唱得好，想突出的話，就要有些高技巧的歌曲，不要只唱抒情歌或者唱歌不用力，每次上台都要出力，才能讓觀眾投入。
另外，阿Lam指早前太太葉倩文確診，而自己作為密切接觸者都中招了，幸好打齊四針，只需要兩日便極速康復。問到可有後遺症，阿Lam搞笑說：「歌詞唔記得晒，其實又冇乜嘢，係嗰兩日好攰，想瞓覺、喉嚨痛咗兩日，又冇乜發燒。」