Shine 十五周年誓闖紅館開四面台 第6次入紙：我哋會繼續等
撰文：李妍樺
出版：更新：
今年是Shine出道十五周年，一直有傳他們今年會在紅館開騷，但紅館一直未能騰出檔期，Shine唯有堅持不懈努力入紙：「其實我哋都係等緊紅館，已經入咗紙第六次，可能檔期真係好full，因為紅館唔係淨係搞音樂野，但我哋會繼續等。」天佑坦言之前12年在紅館開演唱會時，他們是入紙5次才成功，問到會否轉戰細場如麥花臣或九展Star Hall？他們看似沒有太大興趣道：「唔會喇，因為之前喺紅館試過開三面台，今次想挑戰四面台，想試吓唔會嘅舞台效果。」
Shine目標直指紅館，因為覺得紅館對他們有特別的意義，就算十五周年開不成演唱會也沒關係，他們依舊會等待下去。其實入紙紅館一向都很看你的緣份，就算檔期不被批准也不會講原因，所以歌手們唯有默默入紙，繼續等運到。
Shine自十五年前拍攝電影《這個夏天有異性》後，再度與Twins的蔡卓妍合作為電影聲演，其實三人是分開錄音，未有時間見面合作，又南感嘆道：「之前同佢拍戲已經係啱啱出道嗰時拍《這個夏天有異性》，大家一見到面啲回憶返晒嚟！」一向古靈精怪的Shine原來在錄音時遇上不少困難，天佑說：「對阿Sa嚟講就好易，因為佢把聲本身好卡通，但我哋男仔配把聲要高音啲，嗌到聲沙埋，仲要啱返個嘴形難度真係好高。」