覺醒音樂 | 謝安琪邀抗癌歌迷到場　方皓玟鼓勵港人：我好愛香港

謝安琪（Kay）及方皓玟（Charmaine）於亞洲博覽館的演唱會來到尾場，謝安琪中段唱畢《節外生枝》後，她提到有幸陪伴歌迷渡過許多第一次，包括拍拖、結婚、生仔，期間一度感觸眼濕濕。

此外，謝安琪指今晚特意邀請了一位患癌的忠實歌迷Joyce到場，謝安琪說：「佢由我出道第一次做大型騷就一直支持我，幾乎每一次開騷佢都會嚟支持我，但有時點解佢冇嚟呢，就係因為佢要同癌病對抗，我陪佢打贏第一次癌病、第二次。」歌迷承諾謝安琪一定會康復到場支持她的演出，場面感動。

另外，方皓玟與觀眾聊天期間，感性說道：「我個心好愛大家啦，我好愛香港呢個地方，好愛所有香港人，希望我嘅創作可以陪住大家，將呢份情懷、勇氣，帶住正面能量繼續向前行，希望大家繼續加油，無論用幾耐嘅時間，都可以繼續往前走。」現場觀眾掌聲如雷。

點擊下列圖輯睇謝安琪方皓玟演唱會精彩照片：