釗峰與Jay Fung聯手打造新歌《火燒心》　揭女友交友APP出軌爆喊

釗峰日前在Instagram上載了一個關於男方發現同居女友，裝交友App後出軌的故事，引起fans熱話，原來是新歌《火燒心》的故事。昨日（19日）凌晨新歌上架時，釗峰IG同步開Live親自解說，封面相設計都隱藏玄機，不但主打紅色正是現時最熱門的交友app代表顏色，而大光燈照著他，地上影子更是該app的火舌圖案，設計非常有心思。

釗峰在新歌《火燒心》MV中，發現女友背著他玩交友App，感到被背叛，不斷幻想對方與別人親密約會，令他既傷心又憤怒，嬲到一把火燒他們之前甜蜜溫馨的畫作，他傷心流淚。為了拍攝這場流淚戲，釗峰埋位前躲在一旁培養情緒，但因為配合一鏡到底拍攝手法，單是這個鏡頭拍了接近一個小時，結果真眼淚都流乾，要靠滴眼藥水輔助。釗峰笑說：「原本我係真喊，試吓勾起啲往事嚟培養情緒。（咩往事？）我係唔會講嘅，哈哈！可惜最後無用到真眼淚嗰Take，不過都係好好嘅訓練，就當為8月舞台劇練戲啦！」

相隔兩年，釗峰再推出獨唱歌，新歌《火燒心》特別邀請當紅唱作人兼好朋友馮允謙（Jay Fung），以及馮慶聰（J1M3）與他聯手作曲和監製，成為「馮峰馮組合」，他還笑言：「聽到首歌係咪聞到Jay Fung浸除呢？」幾位對音樂非常認真的好朋友，變成工作夥伴，創作時有否拗撬？釗峰說：「竟然無喎！首先由Jay揼咗個旋律框架，然後你一句我一句拼湊，真正嘅交流而唔係將就，夾晒榫位，好融洽呀！」他表示與作詞人陳嘉朗和拍攝MV的Terry導演團隊也是首次合作，充滿新鮮感。他說：「我自問唱慘情歌都好有感覺，但呢個時代要更有特色和進步，需要更多新嘗試，所以邀請新合作單位，擦出新火花。」