MIRROR演唱會︱公開發售網頁入唔到　頁面長期顯示「自動重試中」

組合MIRROR即將於七月底至八月初在紅館舉行12場演唱會，首次以實名制形式經Urbtix城市售票網公開發售門票。雖然只剩位置不佳的座位，但粉絲總算覺得邁進一步有少少希望。可惜在早上10時公開發售至今一個多小時，有大量粉絲及網民都表示完全登入不到網頁。

首次使用實名制售票，記者一早預備好以電腦、手機、平板電腦等，準時在早上10時登入售票網頁，頁面只顯示「自動重試中」，重試數分鐘後更跳去「無法連上這個網站」或「所有網上購票連結正由其他顧客使用中，請再次登入」。另外，有人試過開了多過一個網頁，則顯示「此頁面已在其他標籤開啟，故此自動登入被終止」。

至於8月5及6嘅MIRO特別場，除咗要先登記《 MIRO特別場門票登記購買活動》之外，亦要確定自己無中籤「演唱會門票網上抽籤認購活動」。成功登記之後，每人最多可買兩張實名制演唱會飛，而同行者毋須一定為 MIRO。由於入場前要核對身份，所以最好係入場前兩小時到達會場，而MIRO特別場更需提早4小時間到場！