《記憶棉》落榜網民斥商台造馬 張崇德：呢個樂壇不嬲都係遊戲！

資深音樂人張崇基和張崇德今日（10/12）現身黃埔出席新城電台節目訪問，為誇年演唱會宣傳造勢。提到近日有指歌曲《記憶棉》在播夠數情況，遭商台強行剔出叱咤專業推介榜，令一眾網民大為不滿，質疑商台有意為Edan鋪路奪男新人金獎：更直指：「造馬造到咁，唔使投票啦！直接頒獎俾Edan」。

張崇德笑言：「呢個樂壇就不嬲都係遊戲嚟啦！而我又想問吓大家一個問題，點解我哋嘅歌近呢二十年嚟點解又會冇上過榜呢？究竟係咩原因呢？不過，其實每間電台都有佢哋嘅準則，咁所以我哋要繼續做好音樂，獎唔係代表一切。其實而家都見到好多受歡迎嘅歌手，呢樣嘢已經代表佢哋係有咗好成績，咁所以有獎定冇獎，就唔係特別太過着重嘅一樣嘢。（想有獎攞，是否都要夾埋人情面之上？）唔好講樂壇，我諗全世界都有呢一種情喺度，其實咩行業都有。但我哋其實都好有情，但點解冇人同我哋傾吓，哈哈！」