楊千嬅上台撐林奕匡開騷：有人欣賞你嘅作品係一個福氣

林奕匡(Phil)於麥花臣舉行一連三場「林奕匡Phil Like Live 2017」頭場，Phil的父母，圈中好友糖妹，麥秋成，葉巧琳等到場支持，更邀得楊千嬅任嘉賓。音樂會開始前，先有兩名樂手用鋼琴四手聯彈《一雙手》，接下來現場的銀幕像走馬燈一樣播放Phil的成長照。

Phil甫開場就講到過去的經歷：「7年前係加拿大嚟到香港，香港永久身分證都攞咗喇，終於搵到自己舞台，希望今晚你哋同我一樣玩得咁High。」並化身成酒廊歌手唱出《Route 66》。

接着Phil又講到好多人會問他幾時回來香港，而事實上7年前他與香港一點關係也沒有：「因為我喺加拿大長大㗎嘛，當年好單純地因為一個夢，參加咗一個比賽。」Phil說畢後走到一邊自彈自唱出當年參賽歌《愛很簡單》，他又笑說其實當年打算唱《龍的傳人》，但結果因為別人的意見，轉了做初賽的歌。

由加拿大來到香港，覺得兩地最大的分別是什麼呢？Phil自言父母在加拿大開餐館，當地每家人家中都會有焗爐，當初來到香港會覺得好奇怪香港的屋企沒有焗爐，他更自爆初來香港時家裡只有200呎：「200呎擺唔落焗爐，但今晚我屋企係麥花臣，有焗爐仲開得，入面有嘢焗緊，焗好分畀你哋食。」

Phil接下來唱出《雨落大地》和 《停止繁殖》，他直言希望透過音樂會澄清一件事：「好多人有錯覺，覺得我係加拿大回來，又識Saxophone一定係少爺仔啦，試過訪問時個主持問我係咪有錢仔。」

Phil坦言自己是一個幸運的人，可以讀書及做自己喜歡的事：「其實喺加拿大我父母係好努力養大我同我哥哥，我哋加拿大間餐廳有4個員工，就係我爸爸，媽媽，哥哥同我，一年做364日，只放一日聖誕，一日做十幾個鐘，好多人話依首歌係寫緊我故事，其實係寫緊佢哋故事。」他又唱出《一雙手》，《有人共鳴》。而焗爐中的麵包都焗好，Phil打算親自到台下送給觀眾，不過就太論盡，麵包連Saxophone一齊弄跌了。

一口氣唱了幾首歌後，Phil再拿出Saxophone檢查，雖有少許問題，但Phil依然專業吹了一小段，伴着音樂出場的，就是今晚的驚喜嘉賓楊千嬅！

還記得兩年前，千嬅在叱咤台上講起《高山低谷》，並鼓勵當時剛剛起飛的Phil，Phil對千嬅說到：「我真冇諗過你會應承，一個禮拜前都係冇依個單位，我仲好記得你係叱咤頒獎禮到同我講過嘅嘢，多謝你嘅鼓勵。」千嬅直言這一行沒有誰先誰後，所有人都有自己的才華和觸覺：「當然都會有自己經歷，雖然我比你年長少少，但你那把火，會令人有回憶，記得自己崗位，唔可以懶惰，係一個福氣嚟，難得有人欣賞你嘅作品，佢都唔係新嚟，有8-10年，相信自己作品！」並一起唱出《斗零踭》。