藍奕邦回歸樂壇後首度見觀眾 為表演休養生息：以前識做唔識唞

藍奕邦今日現身九展，為《Shocking Pink 萬聖節黃昏音樂會》獻唱。這次是他自新歌《生》推出後首度出席公開活動，更將首度現場演繹新歌。他直言過去一段時間為新歌宣傳、做訪問，卻未遇到觀眾，感覺並不真實：「我成日覺得一首歌出咗之後，要對住一啲真人唱，成件事先至成立，完滿咗成件事。」

藍奕邦透露未來將繼續推出新歌，但他坦言身體狀態未達最佳狀態，不能給自己太大壓力：「唔可以再好似以前咁，真係要安排時間畀自己休息、充電，唔可以只係一味喺度做。以前淨係識做，唔識唞，依家經歷過一次身體嘅問題之後，係要繼續做，但係同一時間要錫住自己。」他指目前身體已經恢復八、九成，雖然目前仍有一點痛症，會影響唱歌，但也成功克服。

問到這個萬聖節如何慶祝，藍奕邦直言未有任何慶祝活動，目的是為今日演出狀態做好準備：「其實我有好多年冇試過單獨喺台度對住咁多觀眾，我要修心養性，噚晚我有出去見下朋友，但係一滴酒都冇飲。依家出返嚟做嘢，係㗎，事前休養生息呢樣嘢真係要做返多啲。」