太極演唱會｜等足兩年再有實體騷　雷有暉：經歷咗好多波折起伏

《太極Rainbow After Rain演唱會》今日（7/8）起一連兩日在紅館舉行，頭場獲RubberBand成員泥鯭、阿正及老婆尚羚、麥家瑜、蘇志威、阮兆祥、劉威煌、蔡一智、黃劍文、鄧健泓、石詠莉、海俊傑等人現身撐場。

演唱會在晚上約8時40分開始，五子先以《沉默風暴》揭開序幕，其後接連送上兩首快歌《暴風紅唇》和《紅色跑車》令全場氣氛變得熾熱。結他手Joey Tang（鄧建明）直言：「等咗足足兩年啦，終於等到今日。」主音雷有暉感謝歌迷久候及支持：「有你哋支持，我哋終於企返喺個台度啦！經歷咗好多波折、起伏，有唔同嘅事情發生，大家真係要堅信，堅持自己嘅夢想、信心，對自己嘅未來抱住正能量。」其後他們接連送上《小雨落在我的傷口》、《頂天立地》、《拼命三郎》、《樂與悲》等作品。