何雁詩自揭離巢後有公司招手　赴美度完蜜月再諗去向：最緊要舒服

何雁詩（Stephanie）今日（30/7）現身尖沙咀出席一個品牌宣傳活動，是她離開無綫（TVB）後首個活動。她稱之後會隨老公鄭俊弘（Fred）赴美登台，順便度蜜月，又笑指今次終於不需請假旅行，但擔心當地疫情反彈：「嗰邊疫情都嚴重，所以要避免一啲多人嘅地方，自己要做足所有防疫措施。」

最近東京奧運進行得如火如荼，Stephanie稱最近和Fred透過電視機觀賞奧運賽事，對何詩蓓及張家朗奪牌感到非常興奮：「嗰日我睇張家朗嘅賽事，我係餐廳出面食緊飯，我都忍唔住歡呼同拍手掌，仲叫埋其他人一齊歡呼，其實未開始頒獎我已經開咗支香檳！」曾經是高爾夫球選手的她，直言將留意代表港隊的好友陳芷澄下星期的比賽，希望香港觀眾不要只聚焦熱門運動的比賽。

Stephanie早前指今次離開TVB，希望專注在音樂上的發展，她強調這次決定並不代表舊東家限制過大：「我冇咁諗過，純粹係因為喺呢度有一段時間，所以想出去見識下，覺得如果冇踏出呢一步，將來會後悔。（有冇唱片公司搵過你？）都有去傾過，但係我唔太心急嘅，無論係自己做好，同其他唱片公司做又好，最緊要係感覺舒服，夾到。」