【勁歌金曲】 C AllStar四子單飛：都醞釀咗一段時間
撰文：許栢倫 陳奕熙
出版：更新：
《勁歌金曲頒獎典禮》的「最佳組合獎」揭曉，由C AllStar大熱奪金，銀獎和銅獎分別由小塵埃和Super Girls奪得。C AllStar亦憑著《專業失戀30年》得到「勁歌金曲獎」，不過，安仔在台上分享得獎感受時，卻主動提到「七年之癢」，更透露今年完成演唱會後，會「抖一抖，會分開下」！
四子在後台接受訪問時，坦言：「吊頸都要抖下氣」，又話：「唱得太多了，因為我哋七年有啲野一直做冇停過，諗住各自修行，沉澱下，有多啲時間做自己嘢！」被問及分開後的發展，他們又謂：「仲未想，都是剛剛決定，有好多嘢都係天馬行空，不過都蘊釀了一段時間，有個Feel喺到，不是對厭大家，而是大家會不會有個依靠，有時依靠得耐，可能會衍生懶惰。」
不過歌迷又不用太傷心，他們補充：「我哋仲有十個月，只是紅館後就不會見我們一齊了，但未想過獎項各樣野，只是大家休息下。我們不是離開樂壇。」此時，一向寡言的King卻衝口而出：「係緣盡！」令其餘三子險些招駕不住，他們補充：「最開心係佢！」又笑言拍電影時不用四個都搵齊。