【叱咤】欣宜《女神》得獎戴眼鏡向肥姐致敬：我同佢講我會爭氣　

《叱咤樂壇流行榜頒獎典禮2016》中，鄭欣宜憑大熱勇奪《女神》叱咤十大第三位，欣宜指現在是自己最重要的一刻，上台時更戴上肥姐以前的「招牌眼鏡」，彷彿肥姐就在台上一樣，她回憶道：「九年前我失去左跟我相依為命、生命中最重要的人，佢過左身之後，我跟她講我會爭氣，我會乖。」她指媽媽是一個最懂得令大家開心的人，失去她以後，她反問自己我怎樣才能做到跟媽媽一樣，她坦言：「但我不像媽媽，我不懂得怎去跟別人相處。」

她又指自己一緊張就不知道自己在做什麼，更說起英文來：「I am so awkward so you don’t get it，所以我只好收起自己，努力去工作，希望有有一天能站在頒獎台上拿個獎。」她感嘆道過去九年經歷了很野，曾經有人規勸她不要唱歌回加拿大讀書，但欣宜選擇好任性，她說：「不行！讓我試下一吧，但當初沒人知道我想唱歌，所以我就去拍劇，但沒人敢用我。」她又感謝老闆在三百多人投訴後還敢跟她簽約，她說：「 總而言之，我是要多謝所有在過去呢九年不喜歡我，又或者喜歡我的人！」其後欣宜唱歌《女神》時泣不成聲，全場觀眾為她鼓掌。

Joyce在接受訪問時稱只是副眼鏡，其他都是自己的造型，問到為何會想扮成媽咪？她直言：「入咗行之後成日都好驚會被人提到，怕大家會覺得我只係識得提住我媽咪令到自己更上一步，所以過去九年入面，除非人哋問我，我唔會自己提起我媽咪，但佢係我生命中最重要的一個人，所以我覺得最適合嘅一個地方同時候講起佢，去多謝佢就係今日，我頭先係台上講到一嚿嚿，其實我最想表達係我喺佢離開咗後，我同佢講我會爭氣會乖，但喺過去九年入面我唔識點去做依樣嘢出嚟，但今日攞到依個獎，算係好小嘅一步嘅爭氣同乖。」

曾被人說話所有成就都是托媽咪的福所得到，今次可終於覺得靠自己攞到這個獎？Joyce表示:「一定有人會因為我媽咪嘅關係錫我畀機會我，就等於頭先Wyman講個番說話都係因為曾經我媽咪對我好，但我覺得我過去九年係有努力嘅，同埋冇白費到。」

問到會否怕再被人說扮媽咪？她坦言:「如果佢哋要咁講，由得佢，咁都要咁講，我已經睇開好多。」她續說：「永遠都冇人copy到我媽咪，我做到一分就夠。」