Eric Kwok寫歌做監製捧今年新人　再有《全民造星II》十強出道？

早在上年12月，已有不少曾參加《全民造星》的選手宣布加入樂壇，成為2021年樂壇新人，其中MIRROR成員Edan（呂爵安）將於1月中推出個人單曲，成為隊內第6位單飛成員。而《全民造星II》參賽者亦相繼有新動向，冠軍Phoebus（吳啟洋）夥拍George（歐鎮灝）和Marco（葉振弘），組成《造星》系列第三隊男團「P1X3L」，而亞軍MC（張天賦）亦正式加入華納唱片，亦正在籌備個人出道作。

今日（3/1）Eric Kwok（郭偉亮）在Instagram上載一名歌手自彈自唱的影片，先後擔任《全民造星》首兩屆導師的他透露，片中人在比賽中的導師正是自己：「佢比賽嘅時候我做佢嘅導師，我估都估唔到呢個導師一路做到而家，呢個導師嘅角色從來未停過，簡直係一條龍服務呀！」Eric Kwok亦大讚片中人聽話、勤力，並已經為他寫歌及做監製。憑片中歌聲、外型推測，相信此人正是《全民造星II》十強參賽者之一Mike（曾比特），而據了解，他亦已經與唱片公司簽約，準備成為2021年樂壇新人。