陳奕迅大學講座認真談K-pop 自認欣賞女團美腿:好奇未必系鐘意

陳奕迅(Eason)現身香港大學舉行「大學問」講座,答問環節更有Facebook Live現場直播,Eason一副愛因斯坦Look現身,有幸見到Eason真身的人,在短短一小時內當然爭相搶住問Eason問題,其中有人問到如果「陳奕迅」三個字是形容詞,會代表什麼?Eason笑言應該是代表「瘋癲」和「跳脱」,又話瘋癲都可以好正面。

其後,又有現場學生問到Eason怎樣看現在的流行曲、K-pop不太着重歌詞?Eason非常中立的講到這是大家的選擇和層次的問題,但個人比較少聽韓國、日本音樂。認真過後,他突然非常跳脱話:「我嗰日經過一個好大嘅電視銀幕,我就停咗喺到,有一班女仔,啲腳系差唔多咁嘅樣,我係一個『腳人』嚟,我欣賞腳,系男仔都會嘅,見到八雙腳喺到,系一定會停㗎,好多女會覺得男鐘意大胸,系會好奇㗎嘛,繫好好奇㗎咋,如果你見到男仔褲浪有樣嘢,你會唔會好奇吖?好似你見到大笨象咁細只嘅,都會好奇㗎嘛,好奇未必一定系鐘意,真㗎!」
Eason落力地用實例證明視覺會影響聽歌的意欲,又話覺得欣賞視覺衝擊和音樂是兩個層次,更說到:「講返個公道說話,佢哋個樣系唔同㗎,咁高清繫到睇,系唔同嘅。當然你嘅喜好繫留意歌詞,但我行過商場,同老婆一齊都會…好高清你睇到,點都會吸引㗎嘛。」
另外,談到Eason覺得多年來意義最重大的歌,他直言是《歌頌》:「我唔記得有冇派台,不過嗰時拍咗MV,好多合作過嘅音樂人嚟咗,依個系我嘅光榮,唔知一世人有幾多次機會,佢哋嚟到可能就係為咗同我影一個Shot,聽到首歌都…」說到這裏,Eason不禁眼濕濕,更單手掩面,笑言可能年紀大了特別感觸,及後又清唱了幾句副歌。
而講座的最後,Eason更拿出木結他自彈自唱《我的快樂時代》,雖然有啲部分不太記得,但觀眾都相當滿意,Eason又寄語年輕人:「好多時候,安排好緊要,120分未必系最滿意,冇安排、彈錯,有時做人嘅嘢系咁㗎,唔使計較太多,Enjoy個moment,錯處都要enjoy,生命唔系得好,有錯先完美,好開心同大家一齊經歷依段時間,畀我好大滿足,希望將來有機會喺hall認認真真唱畀你哋聽。」