楊思琦產後首度現身拿音樂獎　疫情當道直言不搞慶功

上年推出單曲《愛的森林》正式進軍樂壇的楊思琦，今日現身接下《2019年AEG音樂排行榜頒獎典禮》「鑽石新人獎」及「鑽石全方位歌手」獎，加上2月誕下兒子，可謂雙喜臨門。不過近日新冠肺炎疫情持續，思琦直言不會搞任何慶祝活動。

原定於2月15日舉行《2019年AEG音樂排行榜頒獎典禮》，因疫情關係延期至11月21日舉行，不過官方率先頒發部分獎項表揚歌手過去一年努力。繼鍾嘉欣及Sukie S石詠莉後，今日再有楊思琦獲頒「鑽石新人獎」及「鑽石全方位歌手」。她對於得到音樂獎項感到意外，又指不排除會再推新歌談及家人：「如果日後真係有機會嘅話，其實都好想講下自己嘅family，講下自己嘅囡囡呀，或者其他一啲嘢係可以投入啲去創作。」

上月誕下兒子湊成「好」字，今日再獲得兩個音樂獎項，不過疫情下思琦坦言未有打算慶祝：「而家盡量少啲聚會啦，所以百日宴都無諗住搞啦，都係留係室內、少人啲嘅地方會安全啲。」被問到何時復出再拍劇，剛剛坐完月的思琦指隨時準備好，近日開始勤做運動減磅。