鍾鎮濤十年後再開紅館騷超時　梁家輝扮Freddie Mercury搞㷫全場

「B哥哥」鍾鎮濤於紅館再次開騷，《故事繼續演唱會》周六晚（24/11）舉行頭場，一眾圈中好友現身撐場，包括關之琳、沈嘉偉、邱淑貞、信樂團的阿信等等。B哥哥頭戴紳士帽、身穿禮服靚仔登場，打頭陣唱《一段情》及《無限旅程》為演唱會展開一個「冧滋滋」的序幕。眼見一班老友在台下支持，阿B熱情揮手說：「我上一次喺呢度開演唱會，一貶眼已經10年，好感恩在座每一位令我嘅故事可以繼續！」
攝影：陳順禎

「B哥哥」鍾鎮濤於紅館再次開騷，《故事繼續演唱會》周六晚（24/11）舉行頭場，一眾圈中好友現身撐場，包括關之琳、沈嘉偉、邱淑貞、信樂團的阿信等等。B哥哥頭戴紳士帽、身穿禮服靚仔登場，打頭陣唱《一段情》及《無限旅程》為演唱會展開一個「冧滋滋」的序幕。眼見一班老友在台下支持，阿B熱情揮手說：「我上一次喺呢度開演唱會，一貶眼已經10年，好感恩在座每一位令我嘅故事可以繼續！」

回憶低潮時獲小鳳姐拍膊頭鼓勵

在台上B哥哥憶起一段往事，在最低潮得到小鳳姐鼓勵：「當時我戴住Headphone喺街度行，突然一位女士拍我膊頭話『你唔使灰心嘅，人生有啲經歷先好，如果唔係你嘅故事點會精彩呢？』」然後唱出《隨想曲》，相信追隨阿B多年的歌迷也會有共鳴。恭碩良擔任是次演唱會音樂顧問，由鼓座走到台前彈結他為B哥哥伴奏《只要你過得比我好》，唱到一半全場大合唱，令B哥哥感觸哽咽。

父女檔上陣　B哥哥笑鍾懿：做咩今日咁緊張？

演唱會其中一個重頭戲，B哥哥邀請兩位囡囡上台，大女鍾懿騷Quali用Ukulele兼電子琴自彈自唱《Over The Rainbow》及《Can't Help Falling In Love With You》，細女鍾幗與爸爸合唱《What A Wonderful World》。整個舞台頓時變了溫馨洋溢，B哥哥大手拖小手，父愛爆燈地鼓勵囡囡。B哥哥對鍾懿說：「你細個招招積積㗎喎，做咩今日咁緊張呀！唔使驚走音喎，你唱得好好呀！」然後又多謝太太范姜素貞，回憶起當年相識，他感觸說：「當年佢（范姜）要做呢個決定真係唔容易，要跟一個人又老，錢又冇，老婆又走佬嘅男人！」

今次演唱會對樂迷來說非常抵睇，B哥哥唱足3小時，台上台下嘉賓粒粒皆星，先有「大女」鄭秀文上唱出《問我》及《終身美麗》，Sammi早前與B哥哥拍戲演父女，她笑言：「你咁型似我條仔多過似我Daddy！」然後輪到影帝梁家輝現身，似乎他看完電影《波希米亞狂想曲：搖滾傳說》（Bohemian Rhapsody）後深受影響，化身Queen主音Freddie Mercury，在台上滿場飛搞氣氛，歡呼聲響遍全場，梁家輝蠟起油頭，身穿白色背心、貼身牛仔褲，手持半截mic stand完美復刻Freddie Mercury的形象。一出場已引來陣陣呼歡聲，台上響起《We Will Rock You》的前奏，梁家輝頓時「上身」高舉右手帶領全場合唱，不斷來回穿梭舞台兩側炒熱氣氛。身旁的B哥哥亦相當投入，兩人搭膊頭落力合唱，將紅館變成搖滾舞台，。

仲有點少得溫拿一班兄弟呢？成班老友鬼鬼唱到唔理超時，《L-O-V-E》、《Sha La La La》打孖上，玩到全場觀眾都企起身拍手。最後Encore聲不絕，B哥哥唱出經典金曲《讓一切隨風》為演唱會劃上完美句號。

騷完B哥哥接受《香港01》訪問，被問到囡囡在台上心情緊張，會否心理輔導一下？他笑言：「啲少女心事我唔係好明白，哈哈！不過佢好乖嘅，佢唔係話想做歌手定點，只係想多啲時間陪Daddy玩音樂啫。」另外問到，唱《只要你過得比我好》時哽咽所為何事？B哥哥說：「
好感觸呀！我從來未聽過觀眾唱得啱音㗎！同埋當時諗緊好多嘢，有以前嘅事，所以谷埋谷埋就忍唔住！」