陳奕迅被指抄襲韓國歌手尹鍾信歌曲 經理人：音符永遠都係得咁多
正所謂人有相似，歌曲都有相似的時候。近日討論區出現標題為「陳奕迅《可一可再》係咪抄襲韓文歌《1월부터 6월까지》（1月開始6月結束、From January to June）」的帖文，網友認為Eason今年面世的作品《可一可再》和韓國歌手尹鍾信在2013年推出的歌曲《From January to June》非常相似，質疑作曲的Eason是否抄襲尹鍾信，引起香港和內地網民熱烈討論。
香港網民對Eason是否抄歌爭持不下，有人認為《可一可再》和《From January to June》相似：「好似喎」、「一樣」、「前段直頭一樣咁滯，但副歌就唔同咗，所以都算部份抄襲」，亦有人認為Eason沒有抄襲：「係有啲似，但應該唔係抄嘅」、「最似都係嗰5粒音啫」、「唔似囉」；至於內地網民則幾乎一面倒支持Eason，覺得以Eason今時今日的地位，根本不需要抄襲韓國歌手的作品。
陳奕迅的經理人甘菁菁早前回應抄襲疑雲，強調Eason曾言《可一可再》是在旅行期間創作，又稱：「其實音符永遠都係得咁多，唔同人聽有唔同感受。」其實Eason早前接受訪問時，也提及《龍舌蘭》一曲風格像韓國情歌，沒想到與《龍舌蘭》出自同一專輯的《可一可再》被指抄襲韓國歌曲，相信Eason和尹鍾信也始料不及。
點撃睇睇Eason點睇《龍舌蘭》呢首歌！
陳奕迅《龍舌蘭》談禁忌之戀 突破《無人之境》如何詩意地偷情？
尹鍾信係邊位？
尹鍾信在1990年為組合015B擔任客席歌手而受到大眾認識，至今已推出11張個人專輯，並在2010年起每個月和不同音樂人合作推出單曲，近年最為Kpop熟識的作品是和MINSEO合唱的《Yes (좋아)》，以及為電影《Coco》獻唱主題曲《Remember Me》的韓文版。尹鍾信同時是Mystic娛樂的創辦人，旗下藝人包括綜藝節目主持人徐章煇、2am成員鄭珍雲、女團Brown Eyed Girls、嚴正化、Eddy Kim等等。此外，尹鍾信自2007年起擔任MBC長壽綜藝節目《黃金漁場 Radio Star》主持人。
重溫Eason音樂會精彩時刻