張敬軒「佛系」看待個人獎項？　最想攞歌曲獎報答製作團隊

張敬軒今日（22日）出席《新城勁爆頒獎禮2018》記招，並憑《天才兒童1985》奪得「勁爆播放指數歌曲」。軒仔今年無論音樂或網上社交平台都人氣爆燈，今日出席活動單是踏上舞台已引來尖叫聲不斷，他在台上亦笑言自己很勤力，就算得不到音樂獎項也可以得「勤工獎」。

軒仔於網上人氣高企本應值得慶祝，但近日有不法之徙假冒他的名義，進行疑似詐騙行為，對此軒仔及英皇娛樂發出聲明以正視聽。接受訪問時軒仔表示感到困擾，幸好暫時沒收到有人受騙的消息：「一個新登記嘅帳戶冒充我嘅身份，發訊息畀我嘅歌迷，不過我嘅歌迷一睇就知係假，因為該名不法份子係用全英文發訊息。」他續說：「開頭都冇諗住出聲明，諗住只係喺網上警告對方，以及喺歌迷會內部發通知。但前日開始，該名不法份子向我嘅教友落手，我真係覺得咁樣做真係好差，所以即刻通知公司，唔想到有事發生先嚟補救，最怕歌迷利益受損。」

軒仔今年有4首派台歌，分別是：《缺》、《潛水》、《天才兒童1985》及《百年樹木》，他覺得後兩者呼聲較高，並且重視歌曲獎大於個人獎項：「今年比起往年自己都算勤力嘅，個人獎就真係隨緣，我會比較重視歌曲獎，因為呢個係對於成個製作團隊嘅報答！」