農夫開騷爆Do姐秘密：平時佢鬧我哋垃圾，只係螢幕前嘅造作!

農夫成軍十八年，為了隆重其事，今夜開始舉行一共六場的《農夫十八歲生日快樂演唱會》。承接去年大獲好評的環節「迎賓」，今年農夫繼續在演出開始前便坐在台上與粉絲互動，逗得全場哄堂大笑。席間Dickson余德丞更走到台上笑說:「我昏迷嘅時候聽到《信不信由你》就醒返，之後第一件事就係買飛。」

整個演出的主題十足婚禮，C君和陸永不但坐在龍鳳禮堂前迎賓，更於開騷一刻播出C君及陸永的成長片段，引得台下樂迷歡迎不已。演出正式開始，農夫先唱出一段Medley，包括《娛樂圈殺人事件》、《全民皆估》、《韓國勁舞權》、《表演者》等作品，即時炒熱場內氣氛，全場觀眾站起來一起跳一起拍掌。

連串Medley過後，C君表示:「今日我哋係一個生日會，你哋係唔能夠要求一個生日會好睇㗎。呢個世界只有一個生日會係好睇，就係11月19號TVB個台慶。」隨即唱出新歌《難得咁人齊》，更於歌尾吹蠟燭。
農夫說要襯著今日的演唱會多謝5個人，第一位便是經理人DJ Tommy:「農夫的確係我哋2個生出嚟，不過係DJ Tommy養大㗎喎。農夫就好似一個孤兒仔咁，不過可以肯定一樣嘢，就係DJ Tommy嗰時應該都走投無路，覺得DJ呢一行係夕陽工業，所以就走嚟做我哋嘅經理人。」

很多時候一個演唱會也會將最引頸已待的作品放到最後，甚至是Encore位置。但農夫開場不久已經驚喜不斷，包括唱出《學海無涯》、《重新找到你》、《日出而作》、《眠眠》等，連《獵人之歌》以及黑歷史翻唱的第一代Pokemon主題曲《竉物小精靈》也放到歌單當中，令人興奮不已。

第二個農夫要多謝的人，便是Do姐鄭裕玲。C君笑說:「多謝Do姐嘅說話呢度唔多講，因為大家都知。講一啲大家唔知嘅，其實平時Do姐係電視鬧我哋垃圾係掩飾咗。我試過冇梳頭見Do姐，佢即刻立刻話:剪下個頭啦乞衣!」
陸永聽罷續道:「你知Do姐好鐘意韓團㗎啦，嗰時佢介紹我聽BTS，我最初都冇特登去聽。後來聽聽下覺得都幾好，就同返Do姐講啦，點知佢話:你而家先鐘意，你咁賤格嘅!」