【音匠相傳】現今樂壇一樣有寶藏　泳兒：點解成日要同以前比較？

發燒碟唔係老派歌手專利　泳兒：我嘅使命想將發燒碟年青化

泳兒的音樂作品涉獵流行曲與發燒碟市場，宏觀來說，同樣地在演繹流行曲，只是製作、編曲、技巧等方面有所不同。普遍人先入為主認為，發燒碟只適合老派歌手、老派聽眾，所以泳兒的使命就是想將發燒碟年青化，她說：「大家會先入為主，覺得『Hi Fi碟一定係老派人聽，老派人唱』，但其實只要你重新編曲時，選擇一個新潮、現代感較重的曲風，一樣可以做到老少咸宜。」

成日有人話「以前嘅歌好聽啲」　泳兒：咁樣睇樂壇有啲渺小

「以前嘅歌好聽啲」、「以前嘅歌手勁啲」、「香港冇歌手可以接班」等等說話相信大家也聽不少，甚至是你對樂壇的看法，泳兒卻認為這種想法有點渺小，她說：「咁樣睇樂壇會有啲渺小，點解我哋成日都同以前比較？以前就係過去咗，當年有好多天王天后，佢哋係傳奇。點解一定要叻過佢，或者要打破佢紀錄呢？佢本身係一個傳奇，你都唔需要去打破，因為佢永遠就係一個傳奇。」

泳兒認為每一位歌手在自己獨有的風格中，也可以是天王天后：「唔好用以前嘅標準去睇，要做到點先係天王天后，其實每一位歌手都係寶藏。即使佢未必飆得最高音，但有獨有風格令你投入音樂之中，佢就係該領域入面嘅天王天后。」她更希望大眾可以着眼現時樂壇的歌手，給予本土音樂多點支持。

泳兒唱《洗剪吹》吳浩康唱《感應》　音樂會當日有得聽就好喇！

在早前的訪問中，吳浩康(Deep)形容《音匠相傳》音樂會是「唱家班之夜」，他更希望聽到泳兒唱女版《洗剪吹》，到底我最期待的畫面會否成真呢？原來泳兒都buy這個想法：「OK㗎！近期我自己都會唱一啲鍾意嘅翻唱歌，都有諗過唱《洗剪吹》；我都好希望聽佢唱《感應》男版，因為好少人翻唱，尤其係男仔唱，想聽佢唱個Rock版！或者我哋Jam下都得㗎！」

泳兒同Deep想法不謀而合，未知音樂會當日會否夢想成真呢？

下載《香港01》App，睇盡【01眾樂迷】精彩內容！
/issue/654

01眾樂迷facebook專頁已經開放，想搶先緊貼樂壇最新動向，想知道更多歌手、音樂人、樂迷嘅故事，快啲去呢度集合啦：https://www.facebook.com/01ppl.music