張敬軒現身合唱《預言書》　BOYZ處男騷勁催淚：所有辛苦一筆勾銷

BOYZ昨晚於九展舉行處男個唱，不單勾起大家的集體回憶，嘉賓陣容更是「世界級」，艾粒、Twins以及張敬軒，猶如買一張飛睇四個騷。相信fans們都記得，早前軒仔在《Hinsideout》演唱會邀請BOYZ做嘉賓，才會促成昨晚的演唱會，當時軒仔與BOYZ合唱《死性不改》更被喻為「世紀合唱」。

「世紀合唱」這回事當然「一不離二」，昨晚軒仔與BOYZ合唱《預言書》大派洋蔥，Kenny更說是第一次與作曲人(張敬軒)首次合唱這首歌。

BOYZ孖Twins合體再唱《死性不改》　重現K房必唱經典場面！

張敬軒幫朋友幫到盡，昨晚兼任BOYZ演唱會的顧問，原本沒打算上台，但在BOYZ認真道謝下也上台合唱。

軒仔驚喜上台，一身全黑色樸素打扮，他笑言：「唔好意思呀，本身冇預到上台，所以着到街坊咁。」不過如Steven所說，軒仔怎樣打扮也一樣靚仔。軒仔提到自己與BOYZ是同年新人，也見證住對方這幾年是如何走過，他說：「啱啱我喊到咩咁！前幾年佢哋都離開咗歌手呢個崗位，佢哋好努力。Steven參與過好多劇集、製作，嗰種辛苦唔係大家想像得到。關智斌去拍戲試過零下十幾度，吊威吔十幾個鐘，不過今晚因為有你哋，所有辛苦一筆勾銷。」

BOYZ也表示，他們第一次作專場演唱會，也多細節也毫不認識，全靠軒仔將重點一一列出，他們才能順利完成演出。除此之外，還教導他們唱歌技巧，提供音響器材的支援，這份情義無論是BOYZ還是台下觀眾也能深深體會到。