BOYZ大爆拆夥之謎　當年解散咗都後知後覺？

BOYZ今年開重組演唱會，對不少樂迷來講，Kenny同Steven這對組合絕對是一個集體回憶。不過很多人也未必知道，當年他們為何會不了了之、說散便散。難得今次他們兩個重聚，特意為演唱會拍片宣傳，Kenny更邀請Steven到他家中作客，兩位大男生men’s talk一番，憶述起當年的拆夥之謎。

二人在床邊聊天，提起大家還記不記得當時拆夥的情況：「我記得嗰日朝早喺一個好冰冷嘅車廂入面，同Twins喺廣州拍完廣告，部中港車入面有份報紙，我哋睇報紙先知道話BOYZ拆夥，仲連Mani都承認咗。」當時二人一頭霧水，半信半疑，直至Kenny打了一通電話給經理人Mani：「我問佢呢件事係咪真㗎，佢話係呀，拆夥啦。當時我聽到係幾愕然，亦冇呢個心理準備。」

突然拆夥，其實回想起來也是歸根於二人的關係，Steven直認當年自己叛逆，更表示其實解散前已不算太友好，一年也未必會有一通電話。Kenny大爆原來二人也試過動粗：「你記唔記得嗰時我喺Salon打你塊面？其實過咗咁多年你想唔想打返我一搥？」雖然如此，不過二人也是有一些頗好笑的回憶，例如當年只有16歲的Steven因要完成學業，Kenny便假扮是他的表哥，帶他辦理入學手續。然後每天早上Kenny也會收到老師的電話：「喂？你是張致恆表哥嗎？張致恆今天又沒有上學了。」經歷過如此多，二人也特別珍惜今次開騷的機會。