【專訪】劉卓軒棄高薪厚職闖樂壇　20歲靠自學音樂被謝安琪睇好

劉卓軒（Hinry）這個名字可能大家會比較陌生，但作為一個90後的唱作歌手來說，其實力已被圈中不少歌手及幕後製作人點名力讚。Hinry於2014年參加內地歌唱選秀節目《中國好聲音第三季》香港區海選，於千名對手中勝出成為香港總冠軍，並代表香港到上海參與盲選，更受著名監製Johnny Yim賞識，曾為歌手容祖兒、張敬軒、李克勤、關楚耀等，製作Demo及為陳奐仁寫詞，亦為台灣歌手炎亞倫作Demo歌手及為小胖林育群幕後製作。而今年，Hinry將會以新人姿態，正式踏進香港樂壇，並即將於10月13日舉行音樂會及推出新專輯《Small Potato In The Town》。

放棄高薪厚職　全心投入音樂

不說不知，原來Hinry畢業於香港大學測量系，但他竟然放棄穩定的工作，而去投身公認「搵唔到食」的音樂路。接受《香港01》訪問時Hinry透露，在這個年代生存的年輕人跟過往的年代截然不同，很多人都說，讀完大學或碩士就能夠飛黃騰達。但宏觀這個社會，就算你有多努力，學歷有多高，都有機會成為無業遊民：「到呢個時候就會開始思考，究竟上一代嘅獅子山精神係咪仲可以應用到喺現今社會？所以好多後生仔都覺得，行嗰條路都會辛苦，倒不如去追尋一啲值得去保存嘅嘢。」

Hinry指當初只給了1年時間自己做音樂，同時早在工作期間有計畫地去儲落一筆錢，慢慢見到有成績，在音樂上都剛剛能夠維持到經濟，所以才繼續去做：「啲人話做音樂會餓死，家人就會好擔心，其實當時都掙扎咗好耐。當時做賣地有關嘅工作，好想對社會做出貢獻，但係又好唔直接，不過如果做音樂，你感動到人，或者啟發到一個人，感覺好似你有份去參與對方嘅人生，係比較直接嘅方法，滿足感好大。」

20歲才開始自學結他同彈琴　只要夠努力必能成事？

年輕人去追夢，往往都會被大眾認為不切實際，或者是逃避面對現實社會，Hinry坦言大眾可能不明白年輕人的想法，但都要勸年輕人要踏實追夢。先負好對家庭的責任，才慢慢一步步去追尋自己的夢想：「以我自己嘅經歷做例子，唔係一下子放棄職業，去全職投入音樂。我喺讀書嘅時候接觸音樂，慢慢去提升自己能力，空餘時間去為實力打好根基。唔好一步登天，唔好因為覺得熱血而突然放棄一切，咁樣都係不切實際。」

談到港大校慶100周年，舊生許冠傑為大學寫了一首歌，招募學生去合唱，而有幸被挑選到的Hinry透露，當時到訪了周博賢老師的Studio錄音，就是那個時候就開始幻想擁有一間屬於自己的Studio。經過那次的經驗之後，Hinry便開始了幕前工作為小型場合作演出，笑言：「嗰時測量系有同學識彈結他，但佢之後去咗外國讀書，變咗冇咗個結他手，又接咗啲表演，所以就迫住自己去學頂硬上。之後開始寫歌，結他同鋼琴都係自學，只要努力去練就學得識！」

沒有謝安琪　早已放棄了音樂路？

在整個投身音樂行業的旅程中，Hinry坦言要感謝的就是在港大百周年慶典上認識的謝安琪（Kay）。他憶起有次膽粗粗地寫了一首歌，然後Kay就表示有興趣想聽：「聽完之後佢話唔錯，有興趣想留呢首歌，對我嚟講係個好大嘅強心針，被行內前輩去認同自己所寫嘅歌。係因為佢，我先繼續努力去做幕後嘅製作同寫歌。」自言自信心很低的Hinry表示，很多人從小就開始學琴，而自己就比其他人遲了十幾年才學，起初更害怕在人面前彈琴：「Kay經常鼓勵我，當佢睇到我Facebook知道我唔開心，佢會主動去關心我。我覺得呢個前輩本身自己係個好好嘅藝人之餘，仲好落力去關心同提攜後輩，畀咗好多鼓勵我，先繼續行到呢條路。」

怎樣看５年後的自己？

雖然在音樂路上被不少前輩睇好，但都曾遇上網絡刻薄的負評，Hinry表示每當見到有人留下負評都會很在意，這時候就會質疑自己的能力，究竟是不是不適合當歌手。不過Hinry沒有想過要放棄，笑言因為一直都有個「好老土」的夢想：「想啟發到人，好希望有一日，有人會話因為當初聽到Hinry嘅歌，所以佢行咗呢條路。然後當佢做到有成績嘅時候，然後我就會覺得這件事我有份參與。」另外，最想做到的就是希望能夠改變日後社會的風氣，讓大家明白到雖然香港生活水平很高，但不要只著重於賺錢：「唔好話5年，問我3年後點，我反而唔係想自己點樣，而是想整個社會風氣變成點，而我份去貢獻。」