新歌MV邀麥秋成當男主角 岑日珈：我同佢有0.01距離親密行為！
撰文：吳子生
出版：更新：
岑日珈周四晚（20/9）現身尖沙嘴《特務戇J:神級歸位》群星首映禮。「呢套戲嘅系列，我喺媽咪個肚裡面，仲係BB嘅時候已經有睇，最好笑嘅地方，男主角唔講嘢，眼仔碌碌啲神態動作好好笑，帶點傻更更嘅樣，其實人生中，傻吓傻吓咁都幾開心㗎。」
日前岑日珈為新歌《Time to go》拍攝MV，更找來麥秋成合作擔任導演，拍足16小時始完成。日珈直言說：「MV喺佢一手包辦，導演、編劇，男主角及排舞都喺佢，首歌喺講我唔開心喺時間要走，當中我會同佢有0.01嘅距離親密鏡頭，我哋喺拍跳舞嘅時候，因為要噴煙霧，室內唔准開冷氣，而我哋個個又着晒啲長袖衫，啲汗流到成頸都濕晒，雖然同麥秋成認識咗好耐，但同佢做嘢都會有好大壓力，佢喺一個好嚴肅又有要求嘅人，所以我壓力爆煲成塊面皮膚敏感，起晒豆豆，事後要睇醫生食藥，而家個情況好咗好多。」