為新歌《四大發明》MV挑戰現代舞　鄧小巧：今次係自己「攞嚟衰」

歌手鄧小巧日前為全新單曲《四大發明》拍攝MV，據知小巧當時聽到Demo之後就決定要在MV裏用她一直很喜歡的現代舞來表達歌曲情緒。

為此，她專門向香港現代舞編舞家禤天揚求學苦練「舞功」，終於成功獻出了一段耳目一新的雙人舞。她更笑言：「今次係自己攞嚟衰，因為本來冇人要求我跳舞，但係當聽過首歌之後唔知點解好想加入一齊跳舞，好在今次邀請到好友舞蹈家禤天揚拍攝，我都學咗7堂跳舞，咁矇眼跳就係玩即興，至於打側手翻我細細個就鐘意玩，所以冇問題。」

小巧所拍的MV一向是自己唱獨腳戲，她笑言難得今次有男主角合拍，只可惜自己太大隻，比男主角還要胖，令她十分無奈，幸而出來的畫面很理想，她又慶幸條褲沒有跳到爆呔，為了要跳舞她不時撞瘀手腳又扭傷肩膊，但一切她都覺得值得！她笑說：「大家知唔知咩係四大發明？唔係粥、粉、飯、麵喎，係指南針、印刷術、造紙及火藥。」不過在小巧的新歌中最偉大發明便是愛情！

歌迷看完MV都大讚小巧今次的MV勁高質，紛紛留言表示：「終於有首歌可以幫香港」、「高質到痴線呀救命」、「每次聽小巧嘅歌都係一種享受！新世代廣東歌嘅代表歌手之一！好期待你音樂會！」等，新歌受盡好評，相信小巧見到，事前咩辛苦都會忘記得記得一乾二淨呀！