周杰倫「地表最強2」亞洲最後一站澳門 仲有香港無嘅環節
撰文：黃梓恒
出版：更新：
上年，周杰倫在香港舉行《地表最強2世界巡迴演唱會》，一眾粉絲大呼過癮，飛當然賣晒，場場爆滿，有好多歌迷都話入唔到場。不過唔緊要，機會又嚟喇！不過今次就唔係香港，但係都相當近，周董即將在今年的12月14-17 日於澳門威尼斯人金光綜藝館舉行一連四場《地表最強2世界巡迴演唱會》澳門站，亦是他「地表最強2」巡唱系列在全亞洲地區的終極最後一站，上次香港睇唔到嘅朋友，今次真係要把握機會。
對上一次在香港，大家第一眼入目的未必是周董，因為個舞台實在太靚，而且仲有煙花放。今次澳門站巡唱同時是亞洲巡迴的最後一站，所以主辨單位亦不惜工本把室內煙花規模弄得更盛大，仲講到明會加上香港站沒出現過的環節，例如周董於獻唱「吿白氣球」時，會用數以千計的精美氣球將會從天而降到樂迷手上，為一眾現場歌迷帶來祝褔。嘩，聽到呢到真係不得了，點解香港無咁幸福？