王菀之買CD當儲印花！　同一隻Björk買幾次原因竟然係……

王菀之(Ivana)喜歡旅遊，並將各地的所見所聞化為創作的靈感，她曾透露火車車廂是思考的好地方，大部份寫得深層歌曲也是由此以來。除此以來，Ivana每次旅行都會走訪不同唱片店，這次她跟大家分7張從各地蒐羅的唱片，而每張唱片背後都有一些小故事。
攝影：梁碧玲

Ivana手上拿着一張Björk的《Gling-Gló》黑膠碟，她十分喜愛這張專輯，無論弄失多少次也要買回來，她說：「呢張碟CD版我有幾隻，聽到唔見咗幾次！因為去旅行又帶去聽，有時借咗俾人，又周圍叫人聽，所以聽到唔見咗幾次。之後發現有出黑膠，仲要係去3次冰島，先見得1次咋，即刻要儲番！」

身為Björk fans，Ivana點會買得一隻碟咁少呢！她手上拿着購自的冰島《Vulnicura Live》CD，她說：「呢隻開都冇開呀，唔捨得拆！Björk係我嘅偶像，除咗買實體碟，仲會買digital版本。同一隻碟會出唔同封面，作為歌迷會想儲晒佢！因為次次去旅行都發現，明明隻碟幾年前出，但係點解又有個新樣㗎呢！」

Ivana表示，在加拿大讀書時曾迷上Morcheeba，但回港後近10年沒再聽過，但突然想找回一個齊全的collection，所以在日本澀谷買了這張《Who Can You Trust?》，而且是一張狀態非常好的中古碟。

這張Radiohead《COM LAG》Live CD同樣購自日本，價格簡直「執到寶」，Ivana說：「我本身都有聽Radiohead，但係miss out咗冇見過呢隻。我喺一個中古鋪見到，嗰間鋪唔係專賣CD，係一間Vintage雜貨店，零零舍舍得一隻，仲200yen咋！」

熟悉Ivana的樂迷都知道，東京事變及椎名林檎影響她很深，她說：「好鍾意東京事變同椎名林檎，尤其係同佢哥哥Live，反覆睇咗好多次，好inspire到創作！」

她更表示，是一種潛移默化的影響：「嗰期聽得多，會突然間一落筆就有啲影子都唔出奇！我記得《水百合》當時一出，有人話『嘩！令我諗起椎名林檎嘅歌呀！』身為一個fans聽到都好開心！如果嗰期係要刻意寫日系風格嘅歌，係會特別聽多啲，然後一落筆就會係嗰個語言咁。」

Ivana形容，Philp Glass的《Piano Works》充滿詩意，很浪漫：「有推介朋友過，佢嘅音樂好浪漫，好有詩意，好inspire到我去寫任何歌。因為我寫歌好俾畫面去主導，無論眼前風景、身邊發生嘅事、睇到嘅故事，甚至一啲聽到嘅聲，令我諗起啲畫面去寫歌！而Philp Glass嘅音樂好有電影感，令我好多畫面喺個腦度！」