入行以來最愛《Creo en Mi》MV 鄭秀文:有我想要嘅電影感!

鄭秀文(Sammi)今日在銅鑼灣舉行新歌《Creo en Mi》的MV首播會,吸引大批粉絲到場支持。除了同現場一班歌迷一齊見證首播之外,今次的MV還會在銅鑼灣某百貨公司外的大熒幕上同步播放,Sammi也表現得相當興奮:「我好期待今日,因為平時睇最多咪大電視,但就未試過呢啲大嘅熒幕囉。同埋覺得呢兩隻歌嘅畫面都好適合喺咁大嘅熒幕播放,因為個震撼力同感染力好強。」
新歌《Creo en Mi》是一隻來自西班牙的歌曲,意為相信自己,Sammi透露她聽了幾百次之後,決心要揀這首歌,當中的Rap的部分就揾來Jackson王嘉爾:「初初都系試下啦,第一佢好忙,第二因為佢主力都系唱英文歌,我唔知佢會唔會再有興趣唱下廣東話嘅歌,點知佢聽咗只demo之後就鐘意呢只歌,好快回復話:『可以可以,合唱』咁仲要有心extra再為呢只歌創造咗啲melody喺裏邊,再有誠意啲,佢再同佢嘅團隊再做多一個remix版,咁我諗佢真繫好鐘意呢只歌,所以我feel到佢好投入。」雖然兩人素未謀面,不過配合得相當默契,Jackson還送上短片祝賀Sammi,令她非常感動。
今次的MV由Sammi和70位演員合力演出,場面震撼,她看完之後也很感觸,搞到眼濕濕添,還笑言「拍電影都冇咁多人」。其實今次的拍攝過程相當辛苦,Sammi在人群中被推來推去之餘,更跪低被人「淋紅油」,搞到啲「油」入曬口耳眼鼻,不過她卻不以為然:「辛苦都系其次啦,我能夠一步步實踐自己心裏邊嘅idea,同埋個團隊好幫到手,可以話不惜工本,我自己好開心囉,人力啦、物力啦,又有好多金錢嘅投資啦,因為自己好耐都未試過做一隻廣東歌可以有咁多人力、物力嘅資源,擺喺一個廣東歌嘅MV裏面。」
Sammi坦言完成呢只MV就好似帶著一個使命感做咗一啲嘢:「諗返成件事點樣去由一開始一個idea,咁又邀請咗Jackson,攞到呢只歌個Right,跟住開無數次嘅會,處理咗好多唔同嘅問題,最終完成到,我好開心。」投入那麼多心血,難怪Sammi也稱這是自己入行以來最鐘意的MV:「因為我覺得真系做到我好想有嘅電影感,第二佢有一定嘅故事性喺度,唔複雜但繫有個完整性,同埋個故事都好合情合理,我同導演講我唔想一開始成個MV就好似好光明,我想有一啲人性嘅黑暗喺入邊,咁所以佢就揾咗幾十個群眾演員,一齊去營造一種慌亂、混亂、迷失嘅感覺囉,咁慢慢喺個黑暗裏面,因為相信自己呢個信念,再揾返自己,我覺得成個意念好好,所以我好鐘意。」