【Captain Nancy】薛家燕開60週年演唱會 「雷神」新造型勁搶眼
自《復仇者聯盟3》上映後，家燕姐旋即成為網民焦點，皆因不少人在網上惡搞圖片，把Thanos搶奪幻視額頭上心靈寶石一幕，換成了家燕姐。圖片一出，連家燕姐也不禁調侃一下自己，早前以Captain Nancy形象示人，在網上引起哄動。
不過原來家燕姐此舉並不止是純粹惡搞，近日家燕姐宣布即將舉行入行60年紅館個唱，連主題也跟Captain Nancy有關。今次的個唱主題為《The Sound of Nancy 薛家燕愛你無限60年演唱會》，今年12月4至5日假紅磡香港體育館舉行。而演唱會的Poster當中，Captain Nancy的形象再次進化，不但披上紅色披風，一身胄甲上更鑲有多顆寶石，十足女版雷神，睇嚟Thanos想搶走晒都唔係咁易。今次造型還有一大亮點，便是家燕姐繼去年錄影《流行經典五十年》以低胸裙示人後，今次Captain Nancy的新服裝同樣貴氣中帶點性感。雖然今日記者會上家燕姐未有穿上英雄制服現身，不過她接受《香港01》訪問時則表示：「阿旦 (鄭丹瑞) 叫我留返喺演唱會先再著上身，到時演唱會套衫同Poster嗰套又唔同。」似乎Captain Nancy的形象的確會進化再進化，大家要好好期待演唱會的內容。
記者會上，家燕姐也有大跳她的招牌舞蹈「十字步」，更表示將改良為「十字步2.0」：「今次搵咗Sunny Wong幫我排舞，大家都知道佢一向幫好多天皇巨星排舞。十字步跳咗咁多年都係得腳跳，佢話今次要將十字步改進，加入手部嘅動作一齊跳。其實同演唱會嘅故事都有關連，因為我哋要發放正能量，拯救池力共鎮，而呢隻十字步就相當重要。」
訪問當中，家燕姐也提及其實今次並非首次入紙紅館：「幾年前已經開始入紙，不過紅館檔期好滿，一直都未排到，結果今年終於排到年尾嘅檔期。其實最初都諗過，今年中阿仔又結婚，都好多事要忙，可能未必會做呢個演唱會，不過阿女同我講，今年啱啱好係我入行60週年，意義重大，如果下年就已經係61週年。所以我最後就決定去做。」
提到演唱會的嘉賓陣容，家燕姐透露：「七公主佢哋就好好，一早就應承咗我會嚟做嘉賓。四哥謝賢我都有問過嘅，佢就講笑話怕自己會搶咗我風頭，不過我都有邀請佢嚟。至於其他天皇巨星，就要等佢哋排一排檔期，暫時都未有定案。」其實家燕姐在圈中有如此多好友，又怎會怕嘉賓陣容沒有驚喜？就如最近為演唱會製作主題曲《Captain Nancy》，MV將於8月17日見街，從預告片中已能看到，鄭丹瑞、林敏聰、田啟文、邵音音、唐文龍、胡琳、坤哥、姜麗文等圈中好友也有登場。家燕姐表示今次MV是以微電影形式拍攝，高成本製作，更會講述Captain Nancy的故事，似乎又會在網上掀起一番熱討。
《Captain Nancy》的MV Trailer經已見街，當中看見家燕姐透過額頭上的「無限寶石」來使出超能力，到底家燕姐的額頭蘊含多少種超能力？待MV在8月17日正式出街就知啦！