張敬軒平日口水多 原來愛「潛水」：以前約人勁放飛機
撰文：洪曉璇
出版：更新：
人同人之間嘅關係相當奇妙，有啲日日見面但只會係點頭之交，有啲人可能一年見唔到一次，都會當係摰友，但即使你想得閒同朋友見多幾面，對方都未必領情架。張敬軒平時出席活動就口水多多，原來朋友約佢時成日都會潛水，軒仔仲話自己係：「潛水愛好者。」
+7
軒仔嘅歌曲，除咗愛情，好多時都會講到親情、友情，呢次新歌《潛水》，講嘅唔係同大海玩遊戲嘅水上活動，而係喺生活中偶爾收起自己，讓自己放空嘅時刻。軒仔話︰「我係「潛水」愛好者，某程度上都有社交恐懼症，我喜歡熱鬧，但更大部分時間不喜歡，尤其年紀愈大，但我又好珍惜跟朋友相處時間。
雖然愛潛水，但軒仔也給予自己一些規限。「以前約人勁放飛機，就算約好我都會有100個藉口不出現，現在會講信用，應承了便要出席，雖然我不會主動去約朋友，但應承好便會應約。」講到不時讓自己適當的放空，軒仔認為這是人生中非常重要的一課。「在人生不同時刻上做到收放自如，這是一門功課，幾時要釋放真正的自己，幾時收起會傷害到人的武器，幾時要放下一些執著，講好容易，我仍學習中。」
拍攝MV時去到「香港後花園」南生圍，軒仔喺度拍咗一個草地上划船嘅鏡頭，佢坦言呢度係個，讓城市人好好去感受大自然嘅好地方，仲順便保育大使上身︰「拍攝時見到好多候鳥、小動物，我們好需要一個擁有完整生態環境的地方，好需要去保護它。」