【五月天演唱會】開騷前夕 周邊揾食買紀念品快速攻略

【五月天演唱會】開騷前夕 周邊揾食買紀念品快速攻略
撰文:彭嘉彬
出版:更新:

今天便是五月之約的大日子,五月天六場《人生無限公司》巡迴演唱會無限放大版香港站,於迪士尼樂園幻想道露天場地舉行。正所謂去迪士尼做足準備,入場前,梗系要睇下場外周邊環境,買齊裝備食飽飯先入去睇騷啦!(攝:林迅景)

今天便是五月之約的大日子,五月天六場《人生無限公司》巡迴演唱會無限放大版香港站,於迪士尼樂園幻想道露天場地舉行。正所謂去迪士尼做足準備,入場前,梗系要睇下場外周邊環境,買齊裝備食飽飯先入去睇騷啦!
今天便是五月之約的大日子,五月天六場《人生無限公司》巡迴演唱會無限放大版香港站,於迪士尼樂園幻想道露天場地舉行。正所謂去迪士尼做足準備,入場前,梗系要睇下場外周邊環境,買齊裝備食飽飯先入去睇騷啦!
一齣港鐵站,已經見到有告示牌話比大家知,演唱會場地就行左邊,而買食物飲品就向右。(攝:林迅景)
先同大家睇睇地鐵站右邊嘅攤檔,其中一檔賣演唱會周邊產品,螢光棒每支$60。(攝:林迅景)
另外有$240的T-Shirt,$200的沙灘毛巾,$230的圍裙。較為特別的,是鹹蛋超人聯乘五月天的別注Tee,售價為$400。經計算後,如果要買齊所有周邊產品則需要$5150。攤檔下午5點幾已經排滿人龍,如果想買到心頭好,就要早啲入嚟啦!(攝:林迅景)
演唱會7點15分開始,唔少人一早已經入到迪士尼買定嘢食。沿住行去迪士尼正門方向,可以見到幾架美食車。(攝:林迅景)
美食車提供魚蛋燒賣漢堡包到滷肉飯都有,價錢大約由$20到$60不等。(攝:林迅景)
《香港01》記者即場買咗個滷肉飯試食,$62一個飯,雖然說不上好味,不過價錢比迪士尼樂園內售賣的食品算是相宜。(攝:林迅景)
美食車旁邊嘅飲品售賣機,汽水要$32一支。相較起來,美食車的售價則便宜一點。(攝:林迅景)
路旁的告示牌提醒大家,不準攜帶玻璃樽或金屬器皿入場,如有需要,可以問工作人員攞膠杯。(攝:林迅景)
唔少朋友入場睇騷前,可能已在迪士尼樂園玩咗轉。如果帶住好多行李,又唔想睇騷咁辛苦,可以考慮一下行李寄存,不過價格較貴,每件需要$110。(攝:林迅景)
入場前,沿路亦有告示牌,提醒大家場內禁忌。記得望清楚先排隊,以免入場受阻。(攝:林迅景)
最後比個小貼士大家,雖然演唱會場外有流動廁所,不過人有三急時,真系排隊都排到腳軟。如果唔介意行多兩步,可以行去迪士尼樂園正門售票處旁邊嘅洗手間,唔洗等又去得舒適。(攝:林迅景)
正在加載