鄭欣宜演唱會穿彩色裙撐大愛共融：唔好介意大家唔同顏色

鄭欣宜（Joyce）唱得就唔使多講，今次佢演唱會嘅服裝都不容忽視，更搵到設計師Thomas Chan特別打造。提到中段唱出《I will survive》、《光明會》、《命硬》等歌曲時穿上有塗鴉圖案嘅露肩彩色長裙，有這安排係咪想配合大愛嘅主題呢？

Joyce接受《香港01》訪問時，表示今次好開心服裝方面邀請到Thomas Chan幫忙：「其實每套衫都係配合返主題，由黑色去到加少少紅色，再去到彩色，係有鋪排同心思。我都知道我身型難去令到成件事好靚，但我覺得佢做得非常之好。（有塗鴉嗰條裙係有特別意思？ ）係啊，因為去到嗰part我唱《女神》、《黑彩虹》，我、監製、導演、Thomas都係想表達，其實要有咁多種顏色擺埋一齊先至可以有一條咁靚嘅彩虹，所以唔好咁介意大家嘅唔同顏色，要學懂點樣去欣賞，呢個主題都係演唱會嘅主題，係我自己好堅持一定要去做嘅。」

相關文章

鄭欣宜演唱會無懼傷患越跳越強：想唔想我再重口味啲？

鄭欣宜憶起媽咪肥姐哭成淚人：我知道佢一定喺度陪住我

鄭欣宜靠堅持由負評唱到上紅館：希望大家可以畀一個公道嘅分數

另外，問到滿唔滿意自己嘅表現，追求完美嘅Joyce就直言覺得永遠都可以更好。談到爸爸秋官有冇俾評語，她笑言爸爸話尾場把聲比第一場更好。問到左腳傷患可有影響演出，Joyce透露都有少少腳腫，亦有食定止痛藥先上台。