Judas賣關子與「偶像」合作 網民憑長髮估係蔡一智？
撰文：黃浩晉
出版：更新：
由Busking起家，唱到變網絡熱門關鍵字，再有公司簽約做歌手，Judas(羅凱玲)近期勢頭強勁。今日Judas於facebook出post，表示上星期與偶像合唱了幾首歌，又希望偶像快點開個唱，不要讓樂迷苦等3年。不過，Judas未有公佈這位「偶像」是誰，還叫網民競猜；不少網民憑住「偶像」的背影和長髮猜想是蔡一智，到底這位盧山真面目是誰？
相中見到這位「偶像」身穿粉紅色上衣，留一頭長髮，少少輪廓亦看不見，這個「關子」似乎亦有點難度。不過正所謂「斷估冇痛苦」，facebook留言不用成本，網民紛紛競猜，呼聲最高的竟是蔡一智。
有網民留言好肯定咁話：「雖然是長頭髮，但見虎背熊腰，應該是個男的。真係有機會係蔡一智或黃耀明。」話雖如此，但明哥好似冇留長頭髮好耐喇喎。有網民贊成話：「個身型好明顯係男…蔡一智」、「長髮的男人，蔡一智」，等等。
網民還羅列了其他答案，包括：盧巧音、JW、容祖兒、林二汶、傅佩嘉、鄭秀文、梁詠琪，等等。但上述歌手有部份已不再留長髮，加上Judas另一個tips是「三年冇開Show」，大家就算估都要合理啲喎。