黃子華開金口Rap金句 拍住古巨基唱《子華說》超洗腦

黃子華開金口Rap金句 拍住古巨基唱《子華說》超洗腦
撰文:黃浩晉
出版:更新:

「系咁㗎啦,好出奇啊?」、「揾食啫,犯法呀,我想㗎?」、「老闆出俾你果份唔系糧,系賠償」大家睇到呢幾句系咪即刻有聲先?

以上都系出自黃子華嘅金句,有名你叫「子華神」當然字字珠璣,一句就篤中你笑穴。淨系聽子華神齋講都夠曬過癮,如果佢Rap埋出嚟你又點睇先?古巨基今日推出新歌《子華說》,除了邀請到子華神開金口,基仔當然有唱埋一份,真系一首歌滿足曬你兩個願望。

子華神嘅金句涵蓋各種題材,打工仔心聲、港男港女愛情觀、苦中作樂人生觀樣樣齊,所以今次《子華說》節錄咗上述各方面金句拼湊而成,每個段落主題鮮明,大家聽起上嚟都易跟好多。加上《子華說》編曲非常groovy,切合子華神棟篤搞笑的風格,鼓beat同結他部份唔複雜,但節奏非常catchy一聽就上腦。

真系夠膽講句,各位fans們去唱K歌詞都唔使聽,一起音樂就可以唱曬成首。如果到時基仔開騷請埋子華神上台合唱就好喇!

MV畫面非常有心機,除咗子華神以往演出片段,仲加入大量動畫,真系睇畫面都笑。(MV截圖)
如果基仔開騷請埋子華神上台合唱就好喇!(MV截圖)
正在加載