【叱咤】陳柏宇得男歌手銀獎　唔介意冇野心：I have everything

陳柏宇做完人夫之後，成績都唔錯，算係人生另一個高峰階段，對於35歲嘅佢嚟講，真係唔錯吖！今次佢喺903得到男歌手銀獎。向來好真嘅佢，喺台上講一番好獨特嘅得獎感言。

佢一上台就話：「同事叫我唔好上到台表現到好唔在意咁，喊又唔得！其實我係在乎嘅，我唔係在乎我攞唔攞到個獎，係在乎我哋冇獎攞嘅時候，能唔能夠繼續享受工作，其實係享受到嘅，你問我點解陳柏宇好似冇咩野心咁嘅？好似永遠都唔需要成功，失敗又唔係好介意嘅？」之後就講一連串英文，意思大約係：「點解我要做到好成功？但係我已擁有了一切，而且都係我想要嘅嘢，係呢一刻。」外語講得獎感言係型啲，所以又係好多人拍手。不過最爆都係佢話：「我有一個好靚嘅老婆囉，今日我戴咗戒指㗎。」