【叱咤】李克勤《失魂記》首奪至尊歌曲大獎　自嘲已是80年代人

李克勤作為今年樂壇的大熱贏家，今晚在《2017年度叱咤樂壇流行榜頒獎典禮》上，主打歌《失魂記》毫無懸念奪得《叱咤樂壇至尊歌曲大獎》。上台攞獎時，他表示：「第一次攞到呢個獎，實不相瞞第一屆《叱咤》Fing旗仔嘅時候我已經係度。一路Fing到而家，真係好謝大家。」克勤咁感概，其實也不無原因，因為他一直與《叱咤》的大獎也沒太大緣份，上一次在《叱咤》得到大獎，已是2003年「叱咤樂壇我最喜愛的男歌手」的事情。

克勤更在台上自嘲：「李克勤嘅優點係知道自己有好多缺點，同埋知道呢啲缺點係咩。其實我已經係一個80年代嘅歌手，而家已經2018年，要生存就有好多嘢都要與時並進，要掉低好多零件砌返啲新嘅上去。而我嘅監製馮翰銘就係我嘅神。佢連時裝都同我不約而同著同一套，不過可能係我哋嘅太太心靈相通啦。」而馮翰銘亦謂：「一個人做同一個工業做足三十年，比在邊個都會滑晒啞。一個滑完啞嘅人可以用三個星期去親自剪自己嘅MV，我覺得我無乜資格一個人去攞監製獎，因為呢首碟其實係佢監製我去監製佢嘅。」