隔13年與王力宏再唱《蓋世英雄》 MC Jin：希望唔好再等13年
撰文：史順宜
出版：更新：
MC Jin（歐陽靖）的名字2017年在兩岸三地無人不識，但台灣音樂才子王力宏卻早已慧眼識英雄。在MC Jin還未到香港發展時已有先見之明找他合作，並在2005年合唱《蓋世英雄》，歌曲中的Rap部分正正是由MC Jin featuring。事隔十多年後在內地爆紅的MC Jin應內地電視台邀請出席除夕倒數直播節目，除了唱出自己solo的《Hip Hop Man》，更與王力宏（Leehom）合唱《蓋世英雄》及《龍的傳人》。除此之外王力宏又以beat box配合MC Jin現場freestyle。
MC Jin接受《香港01》訪問時，提到與Leehom合作大感興奮：「過咗13年可以再同Leehom喺台上合唱《蓋世英雄》真係好難得，呢個機會唔係我想就可以發生，之前都只係唱過一次，所以真係好有意義我好開心，希望唔好再等13年。」
提到MC Jin 2017年成績大躍進，他坦言是意想不到的收穫：「今年我最大得著係可以喺我事業上有搵到方向。我頭半年（2017年）喺美國生活，主要陪屋企人，仲有睇著仔仔長大。雖然係美國過得好開心，但係我都會諗自己嘅前路，我嘅事業、音樂、演藝嘅發展。後來抱著平常心參加《中國有嘻哈》，估都估唔到效果會咁好，令我事業上有好多新機會。」
MC Jin今次出席這個除夕倒數活動陣容鼎盛，除了王力宏，還包括：范冰冰、張杰、陳偉霆、楊冪、黃子韜、莫文蔚、容祖兒等等。而且單看MC Jin在海報的排位更反映他在內地市場的「重要性」。
+2