楊千嬅重病女樂迷越洋睇騷 紅館過最感人聖誕節
撰文：彭嘉彬
出版：更新：
昨夜聖誕節，除了食聖誕大餐以外，不少樂迷選擇與家人、朋友入場睇楊千嬅紅館演唱會慶祝。買到飛入場睇楊千嬅，對歌迷嚟講固然係聖誕節最佳大禮啦！大時大節，雖然千嬅冇得同屋企人過三人世界，不過喺紅館落力演出嘅佢，亦都收到今年歌迷送俾佢嘅最佳禮物。
+6
唔知大家仲記唔記得，上月頭楊千嬅在會展舉行拉闊騷《一千零一個楊千嬅的故事》音樂會，期間讀出一封越洋來信。該信出自一位樂迷的母親，當中提及該名住在荷蘭的女樂迷，因重病而需要接受腦部手術，康復後要重新學習生活各種技能，而那位樂迷康復後第一個寫出的名字就是楊千嬅，信中還附上那位樂迷的筆迹，令千嬅當時感動得泣不成聲。
【多圖】楊千嬅第8次拉闊演唱會 感觸：每次開Live都好似倒數緊
昨夜的紅館騷當中，該名患病女樂迷在母親陪同下，特意從荷蘭越洋到香港觀看楊千嬅的演出。需要坐輪椅的她，更高興得站起來與千嬅合照，雖然只能撐到幾十秒，不過女樂迷的神情已相當滿足，而千嬅亦耐心地慰問一番。雖然紅館滿座對千嬅來說已是令人相當高興的聖誕禮物，不過同樣身為人母的千嬅，看見這名女樂迷及其母親也一定感受到同樣的切膚之痛。深信這位女樂迷今次能在這樣特別的日子出席她的演唱會，更是有着特別的意義。