吳浩康個唱留飛被走數　200張飛在手慘貼十幾萬

吳浩康(Deep)入行14年將於今個星期六假九展Star Hall舉行一連兩場《LISTEN TO DEEP LIVE 2017》演唱會，相信不少樂迷都期待已久希望親耳再聽《洗剪吹》、《先入為主》、《棋王》等多首經典作品。闊別舞台多年終於再開大型個唱是開心事，不過阿Deep昨晚於facebook出post大吐苦水：「絕不再幫人訂飛同俾咗錢先，而家我隨時要貼十幾萬！」他更在facebook表示還有200張票在手，似乎出現「集體走數」事件。

吳浩康於facebook寫道：

絕不再幫人訂飛同俾咗錢先，而家我隨時要貼十幾萬！
我喺今晚突然發現原來好多人星期日晚都要工作，請假先嚟到睇，所以調唔到日子
（純粹長知識，無任何要攻擊人嘅意思）

#請Share
#要飛請找我
#我自己演唱會 #我有大量9號門票

吳浩康再開個唱fans們當然爭相撲飛，見樂迷反應熱烈，《LISTEN TO DEEP LIVE 2017》原本只有12月10日一場，特意加開12月9日場次。根據吳康浩facebook post所說，似乎很多人突然放棄預先留起的星期日門票，出現「集體走數」事件。

吳浩康一出post獲得很多網民支持，有近七百Like以及近二百個分享，有網民留言：「啲人咁衰㗎！下次收咗錢先嘛！世上太多飛機人！」、「啲人咁嘥！我想要飛啊！」、「問緊朋友，實搞得掂，唔擔心」等等，亦有網民紛紛留言表示「要2張」、「要4張」，睇嚟大家都想集氣幫阿Deep。阿Deep回覆其中一位網民表示自己手頭上還有200張飛，現在唯有盡方法補。

《香港01》記者就此事曾致電吳浩康，不過暫時未有回應。