周杰倫巡唱正式發售「單身狗」門票　座位表黑過你老闆塊面

周杰倫《地表最強2》世界巡迴演唱會2018香港站今早正式公開發售。自早前網上的優先訂票後，今次演唱會的票價已被炒上五位數字。上次買不到飛的樂迷，心中也打定輸數在正式發售日不會有好結果，話雖如此，飛還是要搶的，所以深信不少打工仔今早也罕有地提早回到公司等10點門票開售，準確好F5買飛。

不過上網搶周杰倫演唱會門票，就像買六合彩般，都是講彩數的，甚至難搶過iPhone X。如果你今早也有參與搶飛大行動，又有幸成功登入購票網頁，應該也會發現，今次周杰倫巡唱香港站的座位表，比楊千嬅有過之而無不及，放眼一看，那張「可購買」的坐位分佈仲黑過你老闆塊面。一如所料，大部份的門票已被內部認購及優先訂票包攬，餘下9場公開發售的門票，合計也不足一萬張。

有網民指出，當他成功登入購票網頁時，發現原來只剩下「單丁位」。睇周杰倫演唱會，識睇一定係睇氣氛，如果不能跟朋友一起享受，倒不如不看。今次的「單身狗」座位表，確實是魚與熊掌，買就要自己一個睇，唔買就連睇都冇得睇。不過Happy Friday嘛，買唔到飛事小，影響心情事大，還是專心工作等收工，唔好再望住個電腦Mon了。