草蜢紅館開騷頭場　蔡一傑玩人浪唔捨得停

草蜢自2014年的紅館個唱後，事隔3年終於再度舉辦《草蜢Live Goes On世界巡迴演唱會2017》。早在6月時，蔡一智因擔任林敏驄作品嘉賓而於綵排時跌傷臀部，導致三缺一出場表演。時隔多月，三人終於能齊人合體演出，樂迷自然準時入場欣賞今晚的頭場演出。約晚上8時15分，紅館四面台已有9成入座率，8點半觀眾全數入場擠滿紅館後，演唱會正式開始。草蜢三字分別身穿紅藍黑的BlingBling西裝出場，唱出耳熟能詳的《年輕的聲音》、《夜的跳舞版》、《紅唇的吻》、《不夜天》、《飛躍千個夢》打頭陣，配合著森巴樂的節奏大騒舞功，更走到台邊與觀眾作超近距離接觸。

張智霖與老婆袁詠儀結伴支持好友開騷。

完成開頭部分的暖場表演，伴舞員已大汗淋漓，但草蜢三子仍氣也不喘的與觀眾交流，更向粉絲施展冧功:「你哋係最好嘅!最鐘意聽你哋嘅尖叫聲!」雖然三人是今晚的主角，不過蘇老闆亦特地叮囑:「今晚除咗睇我哋，希望你哋都多啲留意身邊嘅Dancers，因為佢哋真係好落力去準備今晚嘅演出，有啲仲喺綵排嘅時候整親腰頸，所以一定要比多啲掌聲佢。」而貪玩的蔡一傑更要求場內觀眾玩人浪，玩足幾個圈才肯繼續唱。

緊接唱出《歲月燃燒》及《夜語》後，三人又披上另一身華衣，唱出《華麗舞台》。到了《夜性感》時，全場焦點落在一眾女舞蹈者身上，全因她們穿上性感裝束，在台上扭動挑逗草蜢三子，更騎到他們身上，大玩SM意識，看得全場「嘩嘩」尖叫。