休團前最後一場演唱會　C AllStar：想同大家創造共同回憶

一連兩晚《生於C AllStar》演唱會尾場今晚在紅館舉行，演唱會準時在8點15分開始。一開場，Jase以SoulJase名義出現打頭陣，披上一身豹紋長褸唱歌暖場。自稱「Chok到爆嘅鬍鬚佬」的Jase更鬼馬在歌詞中唱出「我贏咗個Solo」，及後唱出《Take Your Time》正式為演唱會揭開序幕。原來騷前公佈Jase贏得的Solo部份正好放在演唱會的開場時間，他更一口氣連唱《韆鞦萬世》、《Bounce Back》、《密室》等自家創作的作品。Jase表示:「都無乜機會可以自己企喺個台度唱呢啲歌，今次當正係最後一次㗎啦。其實我自己都作咗好多首歌，加加埋埋都有十首，有啲大家都無聽過，襯住今次有15分鐘Solo時間，送比大家。」

演唱會在15分鐘的Solo部分後正常開始，今次演唱會的班底深信樂迷都會非常熟悉，包括有KB打鼓，更有C AllStar第五人之稱的賴映彤作琴手。衣服一換，身穿純白長衣的C AllStar四子正式登場，先唱出《2013的約定》、《一刻戀上》、《80後時代曲》等不同時期的作品炒熱氣氛。當唱出《80後時代曲》時，場內的年青樂迷紛紛站起來拍掌和唱，或許就如歌名所說，C AllStar及此曲正好代表了一代人的共鳴。

一輪快歌後，釗鋒表示:「希望今晚創造一個大家與C AllStar的回憶。」Jase立刻神助攻:「不過今晚有個回憶淨係今晚有嚟嘅朋友先有，噚晚嗰班都冇嘅。」隨即唱出2010年的作品《新預言書》。

第一部分隨著《新預言書》完結而告終，C AllStar亦在演唱會中開黃腔:「希望大家跟住落嚟可以攞出欽敬嘅心，去進入我哋嘅音樂洞穴。」令觀眾險些反應不來。他們再道:「喺C AllStar嘅音樂生涯入面，最令我哋驕傲嘅係，我哋為廣東歌做咗好多新嘗試。」隨後即唱出當年以實驗為題的大碟《CantoPopsibility》中的《音樂殖民地》、《差詞》及《老調兒》，當中King更以粤劇子喉唱出《老調兒》，獲得全場掌聲。

C AllStar四子連換衫的時間都節省掉，直接在台上脫掉外套，換上另一件BlingBling外套，換衫過程中，On仔不忘騷一下魁梧的肌肉，令不少女觀眾尖叫起來。緊接便唱出《聲音騷了》、《靈魂進化》及《薄情歌》，唱到電音曲式的《靈魂進化》時，四子更罕有大曬舞技，跳起來有板有眼。而由黃偉文填詞的《薄情歌》更是全場也懂得大合唱，除了C AllStar，連歌迷也唱得相當落力，在一片溫馨下結束演唱會的第二部分。