Bruno Mars演唱會香港站今早公開發售 大家狂撳F5又買唔買到？
撰文：溫菁莉
出版：更新：
暌違3年，美國人氣歌手Bruno Mars將在明年5月12日再度來香港開騷， 門票今日10點於快達票公開發售。雖然最貴門票要價$2088，但都無損粉絲的熱情，今早大家都準時上網瘋狂撳F5，可惜F5快接近1小時仍然未入到網站，看來Bruno Mars今次開騷必要加場才能安撫到粉絲的情緒。而今日下午時分，大會就宣佈加開5月13日一場，門票公開發售日期就在明天，今日買唔到嘅粉絲聽日記住買喇!
+8
其實Bruno Mars來港之前，將會先到日本、台北、泰國、馬尼拉、澳門及新加坡開騷，與香港一江之隔的澳門的門票同樣於今早10點開賣，最貴門票就平香港100蚊，售價為$1988，可惜在短短40分鐘已經全部售罄！睇返大會的亞洲區演唱會時間表，Bruno Mars第一站4月11日一連55晚先到日本崎玉市開騷，不用多說都是售罄！而4月17日就會到由香港搭飛機只需一個多小時的台北開騷，門票價錢與香港場相若，最高價為台幣$7800（約港幣$1950），對於有興趣又有假期的粉絲，是一個不二之選。
而記者今早亦親身試過準時10點到網站購買門票，亦要1小時45分鐘才能進入網站，幾經波折最終亦順利購買到門票，所以大家要俾多一點耐性等候喇！