4Minute《What's Your Name?》 泫雅話自己唔係隨便嘅女人
撰文：黃浩晉
出版：更新：
泫雅10月14日就同組合Triple H嚟香港開騷，難得韓國天后降臨當然要溫下書做足功課先好入場。之前同大家介紹過泫雅Solo作品，依家就睇下佢喺4Minute嘅歌，雖然演唱會都應該唔會再唱，但只要你睇下佢以前嘅歌路，就會明「性感小野馬」呢個名點嚟，同埋會明白泫雅同性感劃上等號係咩意思。
今次介紹嘅《What's Your Name?》收錄於四張迷你專輯《Name is 4Minute》，作為主打歌當然喺MV方面落足心機啦。泫雅同其他成員衣着性感唔使多講，而且場景不轉換，先有塗鴉作背景，又有遊戲房，又有街景加埋Dancer扮喪屍，幾種元素共冶一爐非常搶眼，難怪MV有過3千萬點擊率。
《What's Your Name?》 曲風沿用她們擅長的電音舞曲，不過相對冇咁「戰鬥格」，玩味十足，而且Vocal Line夠易記，又係聽一次就上腦嘅洗腦歌，真係不得不佩服K-Pop嘅威力。