【一首歌】劉德華金曲人人都識　《忘情水》「換我一夜不流淚」

「阿霞～給我一杯忘情水」到底邊個係「阿霞」呢？劉德華又點解要搵佢攞水飲呢？

相信上述爛gag大家都會聽過，甚至對朋友講過添！不過咁，的確不能否認《忘情水》係一首「流行經典」。

劉德華身為四大天王之一，佢獨得嘅唱腔，柔情如《忘情水》、《愛不完》、《一起走過的日子；澎湃如《我恨我痴心》、《無間道》等歌曲一樣應付自如。另外，拍電影形象鮮明，到依家都仲有人記得「華Dee」、「陳刀仔」等等嘅角色，要型又型得起，搞笑一樣得。劉德華陪伴住不少香港人成長，而且感覺親民又勤力，難怪有「民間特首」的稱號。