新組合想靠「騎呢舞」突圍 成員解釋：係嚟自PSY嘅騎馬舞！
不經不覺2017年已經踏入後半年，但今年出道的樂壇新人似乎未有那個特別突出，要數到令大家可能印象深刻的，反而是被網民所指的「騎呢」的歌手了，雖然名字未必叫得出，但他們的憑著創意的MV，獨突的舞步，足已令大家一看難忘，究竟今時今日要成為歌手，是不是一定要自嘲，要鬥「騎呢」才是唯一出路？
送你兩個的懶人包，一齊回顧2017年被網民公認的「騎呢」新人吧：
「謎」之女新人林羨淇 銀彈豐厚狂賣港鐵廣告 監製周啟生解畫
女新人MV騎呢接力 黃煦珽自撐：有跳k-pop風格舞步
除了以上兩位女新人，近日就有一隊全新二人男子組合「哈比」推出新歌名叫《貓紙》，無錯，他們的組合名字叫「哈比」，是由「有Tempo哥哥」之稱的蕃茄（尤志豪）及Cosmo（劉子禮）組合而成，你又喜唔喜佢哋嘅style呢？去片！
新晉二人男子組合「哈比」接受《香港01》電話訪問時問到組合名的由來，他們表示：「我哋叫哈比嘅原因，係因為近年香港出道嘅男子組合平均身高都係一米七幾或以上，而我哋身高都俾其他嘅男子組合矮，所以我哋叫自己做哈比。」
談到「哈比」在新歌《貓紙》以特別的獨突的歌聲與舞步示人，Cosmo解釋：「今次嘅舞步係由蕃茄與排舞老師一齊諗出嚟，concept係嚟自PSY嘅騎馬舞，希望大家睇完會容易記住我哋。我哋之前其實唔識唱歌，中間學咗唱歌1年，依家叫勉強見得吓人，叫做合格啦！如果你有留意MV，會見到我專登用上雞仔聲去唱。」蕃茄補充：「我哋都想用呢首歌，帶畀人搞笑，輕鬆仲有歡樂嘅感覺，因為呢首歌係想大家回憶中學時嘅甜蜜，中學時期永遠都係大家最開心嘅回憶。」
（怕唔怕畀網民笑你哋騎呢？）
Cosmo表示：「唔驚，我預咗人哋（網民）覺得騎呢，其實每個人個對騎呢嘅準則唔同，呢一刻你覺得我哋非主流，唔代表我哋將來唔係主流，我哋只係希望畀到大家歡樂，事實嘅嘢我唔介面意。」
蕃茄又謂：「我都唔怕畀人笑，我哋自己嘅性格係咁，我哋都係做自己鍾意做嘅音樂。」
問到他們做歌手難以搵食，有否做另外一些工作維持生計，蕃茄表示：「我都係只係做part-time咋。之前有喺主題公園扮小丑，亦拍過Tempo嘅廣告，依家除咗做歌手，我都有喺大台拍劇集，仲有做演員。」問到蕃茄在大台參演了什麼劇集，他謂：「我有喺《親親你好嗎》做過宅男學生，又會喺嚟緊嘅《跨世代》做一名記者，都係一啲小角色啦。」蕃茄笑言。
（是否為了實驗夢想，什麼角色都願意嘗試？）
「都唔係嫁！都要睇下有無發揮嘅機會，不過為咗夢想，我唔介意做多幾份part-time。」蕃茄謂。
至於問到另一成員Cosmo入行前的工作，原來與家景與tvb特約演員的蕃茄非常不同：「我係生意嘅，依家有開party room，餐廳，model agency仲有製作公司，全部都係同朋友夾。」（家景唔錯？）「有少少啦，比上不足比下有餘啦！」Cosmo說。